ಕೋಲಾರ / ಮಾಸ್ತಿ: ಕೋಲಾರ ಜಿಲ್ಲಾ ಪೊಲೀಸ್ ಇಲಾಖೆಯ ಮಾಸ್ತಿ ಪೊಲೀಸ್ ಠಾಣೆಯ ಅಧಿಕಾರಿಗಳು ರೌಡಿ ಪ್ರವರ್ತನೆಗೆ ಕಡಿವಾಣ ಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ. ರೌಡಿ ಶೀಟರ್ ವಿಶ್ವನಾಥ ಪ್ರತಾಪ್ ಗೌಡ @ ಕುಂಟ ಮತ್ತು ಅವನ 08 ಜನ ಸಹಚರರ ಅಟ್ಟಹಾಸಕ್ಕೆ ತಡೆಯೊಡ್ಡಿ, ನಾಲ್ಕು ಪ್ರತ್ಯೇಕ ಪ್ರಕರಣಗಳನ್ನು ದಾಖಲಿಸಿ ಒಟ್ಟು 09 ಜನರನ್ನು ಬಂಧಿಸಲಾಗಿದೆ.
ದಿನಾಂಕ 08-06-2026 ರಂದು ರಾತ್ರಿ ಮಾಸ್ತಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿರುವ 03 ಬಾರ್ಗಳಲ್ಲಿ ರೌಡಿ ಶೀಟರ್ ವಿಶ್ವನಾಥ ಪ್ರತಾಪ್ ಗೌಡ @ ಕುಂಟ ಹಾಗೂ ಆತನ 08 ಜನ ಸಹಚರರು ಸೇರಿ ಅಕ್ರಮ ಗುಂಪು ಕಟ್ಟಿಕೊಂಡು, ಹಣ ವಸೂಲಿ ಮಾಡುವ ಉದ್ದೇಶದಿಂದ ಮತ್ತು ಉಚಿತವಾಗಿ ಮದ್ಯ ನೀಡದಿದ್ದ ಕಾರಣಕ್ಕೆ ಬಾರ್ಗಳಲ್ಲಿ ಗಲಾಟೆ ನಡೆಸಿದ್ದರು. ಬಾರ್ ಕ್ಯಾಷಿಯರ್ಗಳಿಗೆ ಪ್ರಾಣ ಬೆದರಿಕೆ ಹಾಕಿ, ಬಾರ್ನ ಗ್ಲಾಸ್, ಫ್ರಿಡ್ಜ್, ಟಿವಿ ಹಾಗೂ ಮದ್ಯದ ಬಾಟಲ್ಗಳನ್ನು ಹೊಡೆದು ಸುಮಾರು ₹9 ಲಕ್ಷಕ್ಕೂ ಹೆಚ್ಚು ನಷ್ಟ ಉಂಟುಮಾಡಿದ್ದಾರೆ.
ಪ್ರಕರಣಗಳ ವಿವರ:
1) HK ಬಾರ್ ಮತ್ತು ರೆಸ್ಟೋರೆಂಟ್ (ತೊರಲಕ್ಕಿ ಗ್ರಾಮ): ಬಾರ್ ಕ್ಯಾಷಿಯರ್ ನಿಖಿಲ್ ಗೌಡ ನೀಡಿದ ದೂರು ಮೇರೆಗೆ Cr.No.88/2026 U/s 189(2), 191(2), 308(2), 109(1), 324(3), 352, 351(2), 190 BNS.
2) ರೂಪಾ (ಚಿಲ್ಲರೆ ಅಂಗಡಿ): ಅಂಗಡಿಗೆ ನುಗ್ಗಿ ಮೊಬೈಲ್ ಕಿತ್ತುಕೊಂಡು ಬೆದರಿಕೆ ಹಾಕಿದ ಪ್ರಕರಣ. Cr.No.89/2026 U/s 310(2) BNS.
3) ತಿರುಮಲ ಬಾರ್ ಮತ್ತು ರೆಸ್ಟೋರೆಂಟ್ (ಗಂಗಸಂದ್ರ ಗೇಟ್): ಬಾರ್ ಕ್ಯಾಷಿಯರ್ ರಂಗನಾಥ ನೀಡಿದ ದೂರು ಮೇರೆಗೆ Cr.No.90/2026 U/s 189(2), 191(2), 308(2), 109(1), 324(3), 352, 351(2), 190 BNS.
4) MS ಬಾರ್ ಮತ್ತು ರೆಸ್ಟೋರೆಂಟ್ (ಮಾಸ್ತಿ ಗ್ರಾಮ): ಬಾರ್ ಕ್ಯಾಷಿಯರ್ ಮಹೇಂದ್ರ ನೀಡಿದ ದೂರು ಮೇರೆಗೆ Cr.No.91/2026 U/s 189(2), 191(2), 308(2), 109(1), 324(3), 352, 351(2), 190 BNS.
ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಶ್ರೀಮತಿ ಕನ್ನಿಕಾ ಸಿಕ್ರಿವಾಲ್ (IPS) ಅವರ ಮಾರ್ಗದರ್ಶನದಲ್ಲಿ, ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಶ್ರೀ ರವಿಶಂಕರ್ ಮತ್ತು ಶ್ರೀ ಜಗದೀಶ್ ಅವರ ಮಾರ್ಗದರ್ಶನದಲ್ಲಿ ಹಾಗೂ ಡಿ.ವೈ.ಎಸ್.ಪಿ. ಶ್ರೀ ವಿ. ಕೃಷ್ಣಪ್ಪ ಅವರ ನೇತೃತ್ವದಲ್ಲಿ ವಿಶೇಷ ತಂಡಗಳನ್ನು ರಚಿಸಲಾಯಿತು.
1. ವಿಶ್ವನಾಥ ಪ್ರತಾಪ್ ಗೌಡ @ ಕುಂಟ ಬಿನ್ ಎ.ಜಿ. ನಾರಾಯಣಪ್ಪ, 25 ವರ್ಷ, ವಕ್ಕಲಿಗರು, ಅಣಿಕರಹಳ್ಳಿ ಗ್ರಾಮ, ಮಾಸ್ತಿ.
2. ಮುರುಗೇಶ್ ಬಿನ್ ಲೇಟ್ ಕೃಷ್ಣಪ್ಪ, 34 ವರ್ಷ, ಚಿಕ್ಕದಾನವಹಳ್ಳಿ ಗ್ರಾಮ, ಮಾಸ್ತಿ ಹೋಬಳಿ, ಮಾಲೂರು ತಾಲ್ಲೂಕು.
3. ಸುದರ್ಶನ್ @ ಚಿಕ್ಕು ಬಿನ್ ಮುನಿರಾಜು, 23 ವರ್ಷ, ಮಾರಾಂಡಹಳ್ಳಿ ಗ್ರಾಮ, ಬೂದಿಕೋಟೆ ಹೋಬಳಿ, ಬಂಗಾರಪೇಟೆ.
4. ಬಾಲರಾಜು @ ಬಾಲಾಜಿ @ ಎ ಟಿ ಎಂ ಬಾಲು ಬಿನ್ ತಿಮ್ಮರಾಯಪ್ಪ, 28 ವರ್ಷ, ನಾಯಕರು, ಅಣಿಕರಹಳ್ಳಿ ಗ್ರಾಮ, ಮಾಸ್ತಿ.
5. ಮಣಿಕಂಠ @ ಮಣಿ ಬಿನ್ ಅಶ್ವತ್ಥಪ್ಪ, ನಾಯಕರು, ಗಾರ್ಡನ್ ಕೆಲಸ, ಬೆಡಶೆಟ್ಟಹಳ್ಳಿ ಗ್ರಾಮ, ಮಾಸ್ತಿ ಹೋಬಳಿ, ಮಾಲೂರು.
6. ಎ.ಎಸ್. ಅಮೃತ್ ರಾಜ್ ಬಿನ್ ಸುಬ್ರಮಣಿ, 20 ವರ್ಷ, ಚಂಬೆನಹಳ್ಳಿ ಗ್ರಾಮ, ಬೂದಿಕೋಟೆ ಹೋಬಳಿ, ಬಂಗಾರಪೇಟೆ.
7. ಸತೀಶ್ ಬಿನ್ ಸೀತಪ್ಪ, 20 ವರ್ಷ, ಪ.ಜಾತಿ, ಜಿರಾಯ್ತಿ, ಮುತ್ತೇನಹಳ್ಳಿ ಗ್ರಾಮ, ಬೂದಿಕೋಟೆ, ಬಂಗಾರಪೇಟೆ.
8. ದಿನೇಶ್ ಬಿನ್ ವೆಂಕಟೇಶಪ್ಪ, 20 ವರ್ಷ, ನಾಯಕರು, ಖಾಸಗಿ ಕಂಪನಿಯಲ್ಲಿ ಕೆಲಸ, ದಿನ್ನಹಳ್ಳಿ ಗ್ರಾಮ, ಮಾಸ್ತಿ.
9. ಬ್ಯಾಟಪ್ಪ ಬಿನ್ ಲೇಟ್ ಕಿಟ್ಟಪ್ಪ, 29 ವರ್ಷ, ನಾಯಕರು, ಚಾಲಕ, ಅಣಿಕರಹಳ್ಳಿ ಗ್ರಾಮ, ಮಾಸ್ತಿ ಹೋಬಳಿ, ಮಾಲೂರು.
ಕಾರ್ಯಾಚರಣೆಯಲ್ಲಿ ಮಾಸ್ತಿ ಪೊಲೀಸ್ ಇನ್ಸ್ಪೆಕ್ಟರ್ ಶ್ರೀ ಓಂಪ್ರಕಾಶ್ ಗೌಡ.ಬಿ, ಮಾಲೂರು ಠಾಣೆಯ ಇನ್ಸ್ಪೆಕ್ಟರ್ ರಾಮಪ್ಪ ಗುತ್ತೇರ್, ಕೋಲಾರ ಗಲ್ ಪೇಟೆ ವೃತ್ತದ ಇನ್ಸ್ಪೆಕ್ಟರ್ ಸದಾನಂದ, ಜಿಲ್ಲಾ ಗುಪ್ತ ಶಾಖೆಯ ಇನ್ಸ್ಪೆಕ್ಟರ್ ಅಣ್ಣಯ್ಯ, ಕೋಲಾರ ನಗರ ಠಾಣೆಯ ಸಂಗಪ್ಪ ಮೇಟಿ (PSI), ಗಲ್ ಪೇಟೆ ಪೊಲೀಸ್ ಠಾಣೆಯ ವಿಠಲ್ ತಳವಾರ್ (PSI) ಮತ್ತು ಮಾಸ್ತಿ ಠಾಣೆಯ ASI ಆರ್.ಕೆ.ಬಾಬು, ಪಿ.ನಾಗಭೂಷಣರೆಡ್ಡಿ, ಕೃಷ್ಣಮೂರ್ತಿ, ಸುಧಾಕರ್, ಬಾಬು, ರಾಜೇಶ್, ನಿಖಿಲ್ ಅಶೋಕ್, ಕಣ್ಣಪ್ಪ, ನಾಗೇಶ್ ಹಾಗೂ ಚಾಲಕರು ಮತ್ತು ತಾಂತ್ರಿಕ ವಿಭಾಗದ ಸಿಬ್ಬಂದಿ ಸೇರಿದಂತೆ 2 ವಿಶೇಷ ತಂಡಗಳು ಶ್ರಮಿಸಿದವು.
ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿಯವರ ಕಾರ್ಯವನ್ನು ಮಾನ್ಯ ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಶ್ರೀಮತಿ ಕನ್ನಿಕಾ ಸಿಕ್ರಿವಾಲ್ (IPS) ರವರು ಮೆಚ್ಚುಗೆ ವ್ಯಕ್ತಪಡಿಸಿ ಶ್ಲಾಘಿಸಿದ್ದಾರೆ. ಸಾರ್ವಜನಿಕರ ಆಸ್ತಿ ಮತ್ತು ಸುವ್ಯವಸ್ಥೆ ಕಾಪಾಡುವಲ್ಲಿ ಈ ಕಾರ್ಯಾಚರಣೆ ಮಾದರಿಯಾಗಿದೆ.
ಮಾಸ್ತಿ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ರೌಡಿ ಪ್ರವರ್ತನೆಗೆ ಕಡಿವಾಣ ಹಾಕಿರುವ ಈ ಕಾರ್ಯಾಚರಣೆಯು, ಕೋಲಾರ ಜಿಲ್ಲಾ ಪೊಲೀಸ್ ಇಲಾಖೆಯ ತ್ವರಿತ ಕ್ರಿಯಾಶೀಲತೆ, ಅಂತರ್-ಠಾಣಾ ಸಮನ್ವಯ ಮತ್ತು ತಾಂತ್ರಿಕ ಪರಿಶ್ರಮಕ್ಕೆ ಸಾಕ್ಷಿಯಾಗಿದೆ. ಬಂಧಿತ ಆರೋಪಿಗಳ ವಿರುದ್ಧ ಮುಂದಿನ ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ.
*ಕೋಲಾರ ಜಿಲ್ಲಾ ಪೊಲೀಸರ ಕಾರ್ಯಾಚರಣೆಗಳು ಮತ್ತು ನವೀಕರಣಗಳಿಗಾಗಿ ಸಂಪರ್ಕದಲ್ಲಿರಿ.*
Post a Comment